Innaa Lillaahi Wainnaa ilayhi Raaji'uun : Zaidi ya Mahujaaj 200 wafariki leo wakati wakijiandaa kurusha vijiwe

Innaa Lillaahi Wainnaa ilayhi Raaji'uun : Zaidi ya Mahujaaj 200 wafariki leo wakati wakijiandaa kurusha vijiwe

Kiasi cha Mahujaaj wanaozidi 200 wamefariki asubuhi ya leo wakati walipokuwa wakielekea kwenye sehemu ya kurusha Vijiwe eneo la Mina nje kidogo ya Mji wa Makkah.

Mahujaaj wengine zaidi ya 400 pia walijeruhiwa wakati lilipotokea tukio hilo la mkanyagano wakati walipokuwa wakiingia katika moja ya (Tunnel) walipokuwa wakitoka Mina kuelekea eneo la Jamaraat ( kurusha vijiwe).  

Eneo la kurusha vijiwe bado ni eneo la hatari sana kutokea mkanyagano licha ya kutanuliwa na kuwekewa utaratibu mzuri wa kurusha vijiwe na Serikali ya Saudia.

Mpaka tunapoituma taarifa hii hatujapata taarifa zozote kwamba katika miongoni mwa waliotangulia mbele ya haki kuwamo Mahujaaj kutoka nyumbani.

Mola awasamehe madhambi yao, awarehemu kwa rehma yake na awaingize katika Jannatul Firdaus. Aamiyn